To Makawo (Macao) heedi ?

0
1861

Makawo ko diiwaan e nder leydi Siin, dokkaaɗo njuɓɓudi keeriindi gila e hitaande 1999. Hade ɗuum o wonnoo ko e les njiimaandi Portugaal fotde 400 hitaande. Makawo woni kontuwaar e koloni Orop cakkitiiɗo e nder Siin e Asi.

Hannde Makawo ko nokku jaawɗo ƴellitaare, ƴellitaare tuugiinde e banngagol (tourisme) e pijirlooji kaalis. Ngo jeyaa ko e gure ɓurɗe alɗude e winndere ndee. Makawo heedi ko e fonngo worgo Ndenndaandi ɓesngu Siin, hirnaange yupporde weendu Ñaaƴe, 60 km ina hakkunde mum e Hong Kong. Gure ɗiɗi ɗee tolnondiri pel. Fotde 650 834 neɗɗo ina koɗi e wuro hee. Gila 20 desaambar 1999, innde laawɗunde Makawo ko « Diiwaan njuɓɓudi keeriindi Makawo mo Ndenndaandi ɓesngu Siin ». Ɗum noon kuule njuɓɓudi Siin ina pawii e mayri, kono andi rokkaa wellitaare yaajnde rewrude e njuɓɓudi keeriindi. Ko guwarnama keeriiɗo ardii wuro ngoo, kam yiilata geɗe ɗee fof, so wonaa ko faati e jokkondiral caggal leydi e geɗe paatuɗe e konu. Njuɓɓudi Makawo ndii fuɗɗii ko e teeminannde 16ɓiire, nde Purtugeec en puɗɗotoo jiimde nokku oo, o yaawi alɗude, o wonti wuro mawngo jokkondirngo njulaagu hakkunde Siin e Orop e Japon. Ngo heɓi kaaɗtudi maggo ko e teeminannde 17ɓiire.

E hitaande 1887 Siin waawnaa heɓtinde njiimaandi haa cay Purtugaal dow Makawo. E hitaande 1967, caggal murto maruceeɓe sinnaaɓe hoɗnooɓe ɗoon ñalnde 3 desaambar 1966, Purtugaal woppi njiimaandi mum haa cay, e, e hitaande 1987, caggal termondiral caɗtungal hakkunde Siin e Purtugaal, leyɗe ɗiɗi ɗee kawri e gartugol Makawo e njiimaandi Siin.

Woppu jaabawol

Winndu yowre maa
Winndu ɗoo innde maa

Ce site utilise Akismet pour réduire les indésirables. En savoir plus sur comment les données de vos commentaires sont utilisées.