Duttorɗe kaalii : Yiilirde adannde FƁPM

0
1238
Ñalɗi kuccam FƁPM
Ñalɗi kuccam FƁPM

“ Duttorɗe kaalii ” ko lobbudu hesuru he nder Fooyre Ɓamtaare, ɗo njaltinen geɗe ɓooyɗe, haa teeŋti noon geɗe pinal, maa geɗe FƁPM kewnooɗe ko adii hannde. He ndee tonngoode njaltinen ko doggol tawtoranooɓe Batu Kuuɓtodinngu cosngu Fedde Ɓamtaare Pulaar he Muritani.

Yiilirde arwannde Fedde Ɓamtaare Pulaar he Muritani 

Batu kuuɓtodinngu toɗɗinoongu yiilirde arwaniire ngam keɓtingol Fedde Ɓamtaare Pulaar he Muritani, jooɗinoo ko ñalnde alet 7 marse 1976 to Galle Sileymaani Kan hedde waktu 9ɓo jamma. Ardinoo batu nguu ko yarham mum Muhammed el Habiib Soh gonnooɗo Hooreejo Fedde ndee haa ñalnde heɓtinaa ndee, ƴettatnoo kuuɓal joɗnde ndee ko Yaayaa Mammadu Bah. Yimɓe 40 tawtoranooma batu nguu, yoga e arditoytooɓe Catal Nuwaasoot ine tawtoranoo joɗnde ndee. Ko ndeen joɗnde toɗɗii Yiilirde aroore ndee, fotnde toppitaade keɓtingol mayre to laamu. Ko nii ndeen yiilirde lelorinoo :

Horeejo teddunagal                                                  Doktoor Umar Bah
Hooreejo fedde :                                                        Kan Sileymaan
Koolaaɗo kuuɓal :                                                      Bah Yaayaa Mammadu
Kalfinaaɗo ngalu :                                                     Mansuur Caam
Koroowo ngalu :                                                        Abdul Buubu Soh
Kalfinaaɗo jokkondire caggal leydi :                     Njawaar Kan
Kalfinaaɗo pinal :                                                      Aamadu Umar Jah
Kalfinaaɗo jeeyngal   e njuɓɓudi :                          Muhammed el Habiibu Soh.

Ko ndee yiilirde ɗowi fedde ndee haa heɓtinaa e ndeen hitaande wootere 1976. Yiilirde adannde ndee waylanooma ñalnde 7/8/1977, kono ko ɓuri heewde e terɗe yiilirde adannde ndee ko heen keddinoo.  Hay terɗe jaltuɗe ɗee yoga e mum en wonaa lohre ittunoo ɗum en, kono ko sabu mum en yaltude wuro Nuwaasoot ngoo. Yeru Aamadu Umar Jah e Abdul Buubu Soh. Lomtinoo Aamadu Umar ko Jibi Hammee Lih, lomtii Abdul Buubu Soh ko Jallo Mammadu Faalel, lomtinoo Njawaar Kan ko Abdullaay Siree Bah. 

Ko e ndee Yiilirde cate keewɗe cosaa he nder leydi hee e ballal terɗe fedde ndee kam e jagge fulɓe gollotonooɓe he ɗiin nokkuuji…

Catal Nuwaadibu                                                    11 noowammbar 1976
Catal Nuwaasoot                                                     14 mee 1978
Catal Rooso                                                               14 abril 1977
Catal Teekaan                                                          1977
Catal Ɓoggee                                                            30 settaambar 1977
Catal Mbaañ                                                             1978
Catal Sehilbaabi                                                       12 feebariyee 1978
Catal Kayhayɗi                                                         1 abril 1977
Catal Ayyuun                                                            16 abril 1978

Ɗum noon, no winndiraa nii, Catal Nuwaadibu hecci cate fedde ndee fof. 64 neɗɗo tawtoraama joɗnde cosgol maggal. Nii Yiilirde maggal arwannde lelorinoo :

Hooreejo teddungal                                          Huseyni Joop
Hooreejo Catal                                                   Gise Umar
Koolaaɗo Kuuɓal                                                Aamadu Tijjaani Joop
Cukko koolaaɗo kuuɓal                                    Abuu Saydu Sih
Kalfinaaɗo ngalu                                               Mammadu Bari
Koroowo Ngalu                                                  Mammadu Aaw
Kalfinaaɗo jokkondiral                                     Mammadu Aliyuun Joop
Cukko K. Jokkondiral                                        Maamuudu Jah / Ganndo
Kalfinaaɗo pinal e ñeeñal                                Idiriisa Bah
Kalfinaaɗo jeeyngal e njuɓɓudi                       Mammadu Aali Caam

Catal Nuwaadibu e Yiilirde Toownde Fedde ndee ɗaɓɓidi heɓtineede to laamu e sahaa gooto, kono ngal wiyaa yo ngal muño haa fedde ngenndiire ndee heɓtinee, ngal jeyee e cate mum. 

Caggal ɗuum, ngal lohii e daawal 1976-1980, kono caggal ɗuum ngal jeytaama e cate fedde ndee ɓurɗe daraade, haa e sahaa hannde oo.

Woppu jaabawol

Winndu yowre maa
Winndu ɗoo innde maa

Ce site utilise Akismet pour réduire les indésirables. En savoir plus sur comment les données de vos commentaires sont utilisées.