Baylagol tuugorɗe ɓetirɗe

0
294
https://www.google.com/url?sa=i&url=https%3A%2F%2Fwww.bluewin.ch%2Ffr%2Finfos%2Fsciences-technique%2Fle-nouvelle-definition-mondiale-du-kilogramme-entre-en-vigueur-253194.html&psig=AOvVaw3CUK4mplkqyfcnjv-jWedT&ust=1587666021215000&source=images&cd=vfe&ved=0CA0QjhxqFwoTCKDqjPLS_OgCFQAAAAAdAAAAABAD
https://www.google.com/url?sa=i&url=https%3A%2F%2Fwww.bluewin.ch%2Ffr%2Finfos%2Fsciences-technique%2Fle-nouvelle-definition-mondiale-du-kilogramme-entre-en-vigueur-253194.html&psig=AOvVaw3CUK4mplkqyfcnjv-jWedT&ust=1587666021215000&source=images&cd=vfe&ved=0CA0QjhxqFwoTCKDqjPLS_OgCFQAAAAAdAAAAABAD

So en mbiyii ɓetirɗe, njiɗ-ɗen haalde ko ko nanndi e meeteer (ɓetirgal hoorewal njuuteendi) ; kiloogaraam (ɓetirgal hoorewal ñiso),  leƴƴannde (ɓetirgal hoorewal sahaa) ; ampeer (ɓetirgal hoorewal yiite/kuuraa) ; kelwin (ɓetirgal hoorewal wulɓuuɓndi).

Kañje ɓetirɗe ɗee, ɗe tuuginoo ko e geɗe tago. Yeru leƴƴannde tuuginoo ko taƴre ñalawma, kiloogaraam (kg) kañum tuuginoo ko e muul njamndi kaynaandi joɗɗinanooɗo to nokku ina wiyee Sèvres to Farayse. Kiloogaramuuji kuutorteeɗi ɗii fof ko kanko ñemtini (ko puneeje makko), walla mbiyen tuuginoo ko e makko. Koppiiji makko ina mooftanoo e laboratuwaaruuji ɓetirɗe ngenndiiji, sahaa e sahaa fof ina njerondiree e makko (1889, 1948 e 1989) ngam ƴeewtaade so ɗe ɓurtondiraani. Kono teskaama ñiso seede joɗɗinaaɗo oo ina waylodoo e sahaa. Ko ɗuum addani Goomu winndereewu teddeele (keewal teddeendi) e ɓetirɗe (Comité international des poids et mesures) wagginde, e hitaande 2005, baylugol tuugorgal ñiso. Ngool baylugol tuugorɗe ina toɗɗii denndaangal ɓetirɗe keddiiɗe ɗee, sibu teskaama kañje fof eɗe ŋakki seeɓde (yuumtude).

Ko ɗuum addani joɗnde 26ɓiire Mooɓondiral Kuuɓtodinngal Teddeele e Ɓetirɗe (26e Conférence Générale des Poids et Mesures (CGPM)) jooɗinoonde tuggi 13 haa 16 noowammbar 2018, waylude tuugorɗe ɓetirɗe yummaaje ɗee kala, rewrude e woote mo alaa luulndiiɗo denndaangal tawtoraaɓe joɗnde ndee. 300 neɗɗo ummiiɓe e 59 leydi ina tawtoraa ndeen joɗnde naatnunde ɗii mbayliigaaji.

 Seede njamndi cakkitto kiloogaraam lomtiniraa fiɓiinde  Plank (Constante de Plank) . Ɓetirɗe ɗee kala hankadi tuugii ko e piɓiiɗe gorwore tago (constantes fondamentales de la nature). Ɓetirgal tuugorgal njuuteendi hono meeteer (m) tuugii ko e njaaweendi annoore nder mehum. Ɓetirgal tuugorgal sahaa, hono leƴƴannde (s) tuugii ko e daawaɓal (fittere, majal) atomere njamndi mbiyeteendi sesiyoom (sésium). Ɓetirgal tuugorgal yiite, hono ampeer (A) tuugii ko e dimngal leslesal. Ɓetirgal tuugorgal wulɓuuɓndi hono kelwin (K) tuugii ko e fiɓiinde Boltzman…

Njaru ɗeen deŋiiɗe jeeɗiɗi ɓalndiije gasii dotteede (dottaama hankadi tee ruttantaake). Nii woni :

Fiɓiinde Plank (constante de Planck), hono ‘’h’’ foti ko e :
h = 6,626 070 15 × 10−34 J s ;

Njaaweendi annoore/lewño, nder mehum hono ‘’c’’ foti ko e :
c = 299 792 458 m/s ;

Dimngal leslesal (charge élementaire) ‘’e’’ foti ko e :
e = 1,602 176 634 × 10−19 C

Fiɓiinde Boltsman (constante de Boltzman) ‘’k’’ foti ko e :
k = 1,380 649 × 10−23 J/K

Nguu mbayliigu tuugorɗe ɓetirɗe waɗtii golloreede

ñalnde 20 mee 2019.

Tesko : Nder ganndal, « fiɓiinde ɓalndiire » (constante physique) ko keeweendi ɓalndiiri ndi ɓeto mum waylotaako.

Bookara Aamadu Bah

Woppu jaabawol

Winndu yowre maa
Winndu ɗoo innde maa