Kayhayɗi e saraaji pirtaani aada he ñalawma 08 mars 2020

0
631
Yeewtere to Kayhaydi
Yeewtere to Kayhaydi

Ñalawma 08 mars hono ñalawma rewɓe mawninaama e nder Kayhayɗi e nder ñiiɓirde MASEF. MASEF e ROSA e fedde « Croissant Rouge » mo Muritani e «  Croix Rouge » mo leydi Farayse jokkondirii mbaɗdii gollal gootal. Caggal gudditgol ñalawma o e tawtoreede hoohooɓe wuro ngo

Huufi golle ɗee ko hooreejo MASEF e diiwaan Gorgol hono Sokna Sawdatu Mammadu Lih. Rewɓe diiwan Gorgol mbaawii hollirde geɗe keewɗe, baɗɗe faayiida, ko wayi no ko remetee, walla kadi geɗe peewnaaɗe he Diiwaan hee tawi ko ñeeñal tigi feewni ɗum. Pelle keewɗe nootitiima he ooɗo ñalawma mawɗo.

Toɓɓe keewɗe kaalaama heen, haa teeŋti ko feewti e darnde e caɗeele rewɓe.

Fedde Baaba leñol to Beelinaaɓe mawninii kadi oo ñalawma tedduɗo wonande rewɓe winndere ndee fof. Hooreejo Catal Kayhayɗi e Kalfinaaɗo Jaŋde, mbaawii tawtoreede, musiɗɗo Ibraahiima Sih e innde fedde Weltaare Ɓiɓɓe fulɓe, e rewɓe  jookenaaɓe mbawii tawtoreede ooɗo ñalawma.

Kayhayɗi

Kabaruuji duɗe

Ñalnde aset 08 mars, catal fedde Ɓamtaare Pulaar yilliima to duɗal leegal Kilinkaare : Duɗal kilinkaare janngata ko e duɗal Laamu biyeteengal Duɗal Faaruuk .

Huufi ngal ko ceerno Aamadu Abuu Soh, jannginoowo duɗal ngal ko ceerno Kaaliidu Jah, limoore almuɓɓe ko 21 : ñalɗi janngeteeɗi ko hoore biir (altine) e dewo hoore biir (talaata) e saanga njontu (waktu) joyaɓo. Goomu njilliingu duɗal ngal waawii hirjinde sukaaɓe ɓee e nafoore jaŋde.

Usmaan Ñaan 

Woppu jaabawol

Winndu yowre maa
Winndu ɗoo innde maa

Ce site utilise Akismet pour réduire les indésirables. En savoir plus sur comment les données de vos commentaires sont utilisées.