Ñalawma deftere Al-Quraan he Pulaar

1
1575
Ñalawma deftere al ɓuraana he pulaar
Ñalawma deftere al ɓuraana he pulaar

Ñalnde 12 suwee (korse) 2021, e dow gardagol hooreejo Fedde Ɓamtaare Pulaar he Muritani hono Bookara Aamadu Bah, lappol ummoraade Nuwaasoot tawtoraama kewu « Ñalawma Deftere Quraan » Teddunde, firaande he ɗemngal Pulaar e dow ballal Ceerno Abuu Sih, binndoowo, biɗtoowo. Ine jeyanoo e lappol ngol ceerno Jibril Muusaa Joop, tergal FƁPM, e Hammat Muusaa Kan, karallo toppitiiɗo naatnugol deftere ndee he nder jaaɓnirgal.

Yuɓɓini ñalngu nguu ko diɗɗal Pelle Goodal, Raabita e Lewlewal Communication, to “Centre Amadou Malick Gaye” ɗo anndiranoo Centre Bopp, to Ndakaaru. “Teddungal Ñalawma oo waɗaa ko e dow pelle Tabital Pulaagu Senegaal kam e Fedde Ɓamtaare Pulaar Muritani. Bismaango Ñalawma oo fawaa ko e yeeso Ceerno Muhammadul Madaani TAAL, Kaliif mo Ceerno Muntagaa TAAL kam e sete mum.”

Ceerno Abuu Sih yettaama no feewi he golle mum, sibu mum gollaade kañum tan gooto ko leñol fof fotnoo gollaade koo. Jeewte keewɗe faayiida njeewtaama he kewu nguu, kollitoowo nafoore soomiinde e firo deftere he Pulaar.

Njillu nguu waɗii ngartam keew-ɗam, gila e jokkondiral hakkunde FƁPM pelle juɓɓinɗe ñalngu nguu, juumtowal he gollondiral ko ɓamtata ɗemngal ngal. Hooreejo FƁPM heɓii kadi yeewtitde e hooreejo Tabital Pulaagu Senegaal /ARP hono doktoor Fari Kah, ko faati e golle denndaaɗe ɗee. Ɗum noon, mbiyen tan Fulo Al Quraan Tedduɗo oo udditii dame cembinooje golle ɓamtugol Pulaar. 

YOWRE 1

  1. njoɗdi ko alla jogi yo geno yoɓmoƳere yaarabbi konni wonni ballo ndiral
    gooto fof inna jogiiɗo hetti ɗo yo moƳƳinɗon sukka wudre uddittaɓ yajaajeende ko non renndo mardatte.Ƴellito on mbaɗɗi fodde mon yo
    alla jokku balɗe men ennen fof e kalla julɓe yafo mayɓe men Aamiin yaarabbi

Woppu jaabawol

Winndu yowre maa
Winndu ɗoo innde maa

Ce site utilise Akismet pour réduire les indésirables. En savoir plus sur comment les données de vos commentaires sont utilisées.