Ñalɗi kuccam FƁPM

0
581
fof3.jpg

Fedde Ɓamtaare Pulaar e Muritani yuɓɓinii ñalɗi miijagol e kuccam Fedde ndee, tuggi alkamiisa 6, haa aset 8 settaambar 2012. Ngool miijagol foti yuumtude ko e lelnugol kuccam kesam e laabi kesi wonannde fedde ndee.

Fedde Ɓamtaare Pulaar e Muritani yuɓɓinii ñalɗi miijagol e kuccam Fedde ndee, tuggi alkamiisa 6, haa aset 8 settaambar 2012. Ngool miijagol foti yuumtude ko e lelnugol kuccam kesam e laabi kesi wonannde fedde ndee. Ɗi njokki ko golle fedde ndee ummanii gila abriil 2011, golle keblugol Batu mooɓondiral e fawaade e kuccam kesam.

Ko ɓuri heewde e cate fedde ndee tawtoraama ɗii ñalɗi : Kayhayɗi, Nuwaadibu, Suwoyraat, Likseyba, Jinkeere Faraa Liitaama, Ɓoggee, Sehilbaabi, Arafaat, Daar Nayiim, El Miina, yantude e hooreeɓe teddungal e hooreejo Fonadh e jagge goɗɗe Fedde ndee. Fof noon waɗi ko gardagol Jibriil Jiggo, karallo ko faati e ɗeen geɗe.

E ɗee balɗe tati tawtoraaɓe ɓee mbaɗii seedantaagal luggiɗinangal fedde ndee ngam yuurnitaade hol to nde jogii semmbe e ɗo nde leefi ; ɓe mbaɗii yiito (diagnostic) fedde ndee to bannge njuɓɓudi ngam feeñninde hol ko fotata wonde, e ko fayi, njuɓɓudi potndi tammbaade payndaale kese ɗee e golle kese ɗee; ɓe mbaawii kadi joopaade golle potooje ardineede e ko fayi ngam ƴellitde fedde ndee.

Ɗumɗoo fof noon maa siimte, tonngee, hollitee batu mooɓondiral ngaroowu. Ko ndeen miijooji kesi ɗii njaɓetee walla calee.

Ñalɗi ɗii njoofiri ko njillu to nokku ɗo galle Pulaar foti maheede ɗoo e wuro Nuwaasoot ngoo.