Ko ɗo ngon-ɗaaPelle pinal / UNESCO dañii gardiiɗo keso : Irina Bokova

UNESCO dañii gardiiɗo keso : Irina Bokova


By adminYollaa ko27 settammbar 2009

Irina, hooreejo UNESCO
Irina, hooreejo UNESCO

Debbo biyeteeɗo Irina Bokova (duuɓi 57) toɗɗaama, ñalnde 22 septammbar, yo won Ɗowoowo kuftodinɗo UNESCO. Toɗɗii mo ko terɗe 58 jeyaaɗe e Diiso siynoowo UNSECO. Kono ko ñalnde 15 oktoobar batu kuftodinngu ndenndinngu yonaaɓe 193 leyɗe jeyaaɗe e Fedde he, laawɗinta ngol toɗɗagol. O tampondirii no feewi e kanndidaa Ejipt, sibu woote ɗe mbaɗtaama laabi 5.

Ko laawol joyaɓol ngol seerndi ɓe : Irina heɓi daaɗe 31, Ejptenaajo o, hono Faaruk Hosni, heɓi daaɗe 27.

Irina Gueorguieva Bokova jibinaa ko e hitaande 1952 to Sofia, laamorgo leydi Bulgaari (to Orop fuɗnaange). E ooɗoo sahaa ko kanko jooɗanii leydi makko to Farayse (woni ammbasdeer), kanko kadi jooɗaninoo leydi makko to UNESCO e hoore mum. O janngii to leydi Riisi, to Duɗal Jokkondire Adunankooje Mosku, e to Amerik to Uniwersitee Maryland. Ko o debbo dawriyanke (baɗoowo politik) : o wonii cukko Kalifu geɗe caggal leydi (1995-1997), o wonii kadi kalifu Geɗe caggal leydi, o wonii kanndidaa ngam wonde Cukko-Hooreejo leydi makko e hitaande 1996, o daranii jeyegol leydi makko e dental biyeteengal OTAN kam e Dental Orop. Eɗen ciftina tan wonde yimɓe njeenayo ina mbirgatnoo joɗnde nde.

  • Ko woni UNESCO e hol golle mum ?

“Jam” o firtaani tan baasgol woodde kareeli. “Jam” o firti : bidseeji baɗiraaɗi mahde, kono kay wonaa warde e firtude ; “jam” o firti ko mahaaɗe e sarwisaaji gollotooɗi, ɓeydotooɗi, o firti ko ɓesnguuji gollooji ngam mahde janngo, o firti ko hakkillaaji ceertuɗi e bonanndeji e neegre e miijooji njoftiigu, o firt ko hakkillaaji «kaɓɓondiral». Oon jam ina ɗaɓɓi hormaade ko yimɓe ceerti, ina ɗaɓɓi kaaldigal. Ina jeyaa e ko UNESCO daranii, semmbinde ngaal kaaldigal e wallitde leyɗe aduna ɗe heɓde ƴellitaade duumotoonde to bannge dañal e tabitinde denndaangal muuyaaɗe neɗɗanke, tawa noon ina hisni jeyi yontaaji garooji, haa arti noon e mahgol « pinal jam » tuugingal e jojjanɗe aadee e demokaraasi.

  • Mettere mawnde to Keer

Wonande yimɓe heewɓe, ko Faaruk Hosni fotnoo toɗɗeede Ɗowoowo kuftodinɗo UNESCO. Ko ɗum tagi, Keer fini ñalnde 23 settaambar ko mettere mawnde. Jaayɗe leyɗi ndi njiyri ɗum ko no «moojobere leyɗeele mawɗe». Wonande Al Ahram ko Dental Amerik e Almaañ e Japon kaɗi Hosni ɓennude. Won ɗeen jaayɗe kadi takki ko «ngoomuyon yahuud» en kam e «malli e penaale» jaayɗe leyɗe hirnaange.  Kono tan, won weltiiɓe heen kadi : Islaamist en. Faaruk Hosni ko « gaño » maɓɓe gila luulndii ɓoornagol « melfe ». Geɗel ɗiɗmel caabingel weltaare maɓɓe ko dañde seede wonde « leyɗe hirnaange ina luulndii kala ko ummii e juulɓe, hay so tawii ko neɗɗo ɓadiiɗo ɗum en ».

Bookara Aamadu Bah

Share this
Étiquettes

Mballee FOOYRE

Tonngooɗe Fooyre cakkitiiɗe

Peewnanee koye mon tappirɗe

Awtaade tappirde pulaar.Feewnude tappirde ina newii


No tappirde ndee aafirtee

 Kuutorgel MSKLC

Guide de transcription et de lecture

Horsinɓe Fedde Ɓamtaare

KIRIKU waɗtii haalde Pulaar

Mballee Fedde men hisnude golle mum

Dannga waandu : "neɗɗo e sahaa e weeyo"

Eɓɓaaɗe firooji