Israayiil Jiytugol aññeere ɓooynde

0
55
Jiytal ɓarakke to Israayiil
Jiytal ɓarakke to Israayiil

Jiytugol aññeere ɓooynde, sibu ko he yonta firawna biyetenooɗo Ramses 2, laaminooɗo Misra hakkunde 1279 e 1213 ko adii jibineede Annabi Iisaa, mo laamu mum yanhnoo haa Kanaan (ine jeyaa heen Israayiil hannde oo), e leyɗeele Palestiinaaɓe e haa to Libaan, Jordaani e Siiri.

Nde yiytaa ko he lewru silto 2022, he nokku ine heedi worgo Telaawiiw. Duuɓi aññeere ko 3 300 hitaande. Aññeere ndee memtaaki nii. Ande moofti looɗe keewɗe, ngeɗon kiri, e ƴiye, e ko famɗi fof cammalal neɗɗo ngal memtaaki. Kaake ɗee noon njoɗɗiniranoo ɗoon ko haa ɗofta maayɗo oo. Nokku oo uddaamaa haa tiiɗi, reenooɓe ngaddaa ɗoon, hade laamu lelnude feere ngasri ɓurnde yuɓɓude e ɓurnde yaajde diiwaan oo fof, sibu hakkunde jiytal ngal e uddugol nokku oo (yontere wootere) tawi won koon ngeɗon puɗɗiima wujjeede.

Woppu jaabawol

Winndu yowre maa
Winndu ɗoo innde maa

Ce site utilise Akismet pour réduire les indésirables. En savoir plus sur comment les données de vos commentaires sont utilisées.