Nguurndam ngatam (4)

0
509
Cewngu Afrik, ngatam
Cewngu Afrik, ngatam

Ngatam e mbaroodi, nde wonnoo kam en fof ko e iwdi ullundu njeyaa, ko no ullundu nii tan. Heewi ɓesnude ko gootel walla ɗiɗi, walla tati maa ɓura. Ngatam jeyaa ko e kulle conngooje jamma e ñalawma fof.  E oon sahaa, woppataa  coppi mum ko juuti. Kono ngatam hina seerti e  mbaroodi  to bannge hulande ɓiyum : sabu mbaroodi hina hulana ɓiyum e barooɗe, alaa ko haali kulle goɗɗe.  Kono ngatam wonaa noon e teskuyaaji mawɓe fulɓe waañooɓe, aynaaɓe.

Heewaani ko ngatam yani e coppi ngatam goɗɗo wari. Ngatam ɓuri hulande ɓiyum fof ko ko wayi no powbi walla dawaaɗi, maa edi ekn…  Ngatam hina wona e dow lekki haa jawdi walla ko yiɗi yande koo ɓadoo les, diwana ɗum. Hina toowta e kaaƴe, sooynoo ruɓa. So ngatam diwanii huude, heewi nanngude tan ko ɗo warata. Kadi, ko kullel jaafngel keeci. Teewu ngatam dowrowo ko jawdi cewndi.  Ko wayi  no lelli walla bille, e njabaaji e mboleraaji e gooleeje maa moli, bamɗi e badi girji e ciikoole mum ekn, maa ndammiri, walla ko heɓindii fof.

Kadi ko ngatam ɓuri mbaroodi suusde ndiyam. Kono wonaa e kulle ndiyam jeyaa, ko e kulle njoorndi. So wondii e ɓiyum haa ekkinii ɗum wuurde kam tan, waɗta yowitaade e hoyre mum, ngool noon ɗi ceerta. Seerto ngoo, ɗe ngontaa hawritde haa cay. So ngatam deyo o ummaniima ngam rewngo wonata ko e yahde hina weddoo colle mum e lekɗe e huɗo e geɗe baaɗe noon, ɗo ari fof, mbele maa gore ɗee njan e nduun henndu, ngannda oo deyo ummiima, ndewa henndu nduu, haa njana e deyo oo. Kadi ngatam goro hina waawi ƴettude henndu nduu to woɗɗi. Kono kala goro idiiɗo e deyo hee, so goɗɗo walla goɗɗi ngarii ko hare. Ko maa poolgu tan, so wonaa poolgu heɓataa debbo ngatam. Sabu ngatan wonaa e kulle denndooje rewngo. Hay so tawii hina waɗa kono ko huunde famɗunde ko waɗata.

Ine jokki

Kaaliidu Soh

Woppu jaabawol

Winndu yowre maa
Winndu ɗoo innde maa

Ce site utilise Akismet pour réduire les indésirables. En savoir plus sur comment les données de vos commentaires sont utilisées.