Kaawisaaji funeeɓe kadi

0
3602

Ngolɗoo ko to Inndo tiggu maayɗo yaltinaa e ɓalndu cukalel gorel jahrowel e duuɓi 4. Reedu maggel ina waɗno ƴuulde mawnde. Caggal muus reedu caɗtuɗo, ngel nawaa opitaal ñalnde altine 5 oktoobar. Ngel seekaa, baawɗe Alla, tawaa ko tiggu wonnoo e reedu maggel !

Ngolɗoo ko to Inndo tiggu maayɗo yaltinaa e ɓalndu cukalel gorel jahrowel e duuɓi 4. Reedu maggel ina waɗno ƴuulde mawnde. Caggal muus reedu caɗtuɗo, ngel nawaa opitaal ñalnde altine 5 oktoobar. Ngel seekaa, baawɗe Alla, tawaa ko tiggu wonnoo e reedu maggel !

Juuɗe e koyɗe e cegeneeji e hoore tiggu oo, tawi ɗeɓii timmude. Hono ooɗoo kaawis ko huunde nde doktoreeɓe nganndi ina woodi gila ko ɓooyi, gila e yonta hakkundeejo. Wiyetee ko “tiggu nder tiggu”. Addata ɗum ko mawnugol funeeɓe ngol feewaani nder reedu yummiraaɗo. E no doktoor jibinirgol oo wiyri nii : “gooto e funeeɓe ɓee ronkat mawnude”.

Oɗon nganndi funeeɓe goonga e goonga ummotoo ko e toɓɓere wootere feccitiinde wonti toɓɓe ɗiɗi, walla tati ekn. So peccitagl ngol feewaani, ɗuum ina waawi addude caɗeele. Yeru ɓalli funeeɓe ɓee ndenta. Wonande ooɗoo yeru mo kaalaten, « gooto e funeeɓe ɓee ronku ƴellitaade, rentiri e goɗɗo oo to reedu mum, naatti e mum », e wiyde karallo oo.

Ko wayi nii ina saɗi ko waɗata, ko hedde reedu wooturu nder miliyoŋaaji 5 reedu.