Tanaaji simme ɓurii ɗoon !

0
2833

 

Simme moƴƴaani ! Yimɓe ina nganndi ɗuum. Kono yimɓe cikkatnoo simme ɓuri bonde tan ko e jofe. Iwee heen ! Alaa tergal ɓalndu aadee daɗngal e bone simme. Ɗum woni ko ciimtol golle annduɓe caakti to Amerik.

Waɗii duuɓi 50 ko ciimtol maɓɓe goɗngol hollitnoo jokkondiral gonngal hakkunde simme e nguɗu jofe. Ko ngoolɗoon ciimtol woni gadanol caaktungol tanaaji simme.

Ñalawma hannde oo ina anndaa wonde tanaaji jawwingol walla poofgol cuurki simme, haaɗaani tan e jofe. Posone biyeeteeɗo nikotiin gonɗo e simme oo, alaa tergal ɓalndu ngal woppi, yimɓe fof e reentaade e ƴettude kuule paddorɗe.

Tuggi ndeen faade hannde, simme warii ko ɓuri miliyoŋ neɗɗo to Amerik. Ciimtol ngol hollii wonde “simme ina wallita jabet, nguɗu heeñere, bontugol nguɗu wonande wondunooɓe heen, ɗoyru, ngoraagu, bonnugol terɗe tigguuji, deedi goorɗi, muus jokkorɗe, ɓuuto terɗe ɓalndu e leefɗingol paddorɗe ɓalndu.”