Laamu Muritani jooɗiima e kaalis Muhammed wul Buuamatu e wul Debbaag

1
158

Laamu Muritani fawii junngo mum e dow kaalis Muhammed wul Buuamatu e wul Debbaag. Kala ko ɓe njoginoo e bankeeji, ittaama waɗtaama e konte juɓɓule laamu. Ko ñaawoore yamiri ɗuum, hay so tawii eɗen nganndi ko nde ñaawoore reftiinde mbaawka ciynoowa (laamu). Hujja dokkaaɗo ko « haɓde e njeenaari ». Luulndo ngoo jaɓaani ɗum, ngo wiyi ko « guut » tan woni ɗoon. Ngo ɗaɓɓi yo Buuamatu rokkite jawdi mum jooni jooni, sibu e ndi huutortenoo “ gollingol opitaal gite (mo Buuamatu) cafroowo ujunnaaje ujunnaaje muritaninaaɓe waasɓe, ɗawaaɓe.”

Ɗum noon hare hooreejo leydi ndii e denɗum Buuamatu, siltaani tawo, walla nii ɓeydii ko tiisde.

Ko welnoo dey mettii, sibu, nde Abdel Ajiiju waɗi kuudetaa mum e 2008 ndee, ko Buuamatu walli ɗum haa dañi no jooɗorii, gila e jokkondire nder aduna hee, haa e kaalis ko waɗiri kampaañ e woote gardagol leydi 2009.

YOWRE 1

Woppu jaabawol

Winndu yowre maa
Winndu ɗoo innde maa