Hiirde Pinal Catal  Kayhayɗi

0
4247

Ñalnde talaata 23 mee, hiirde pulaar mawnde waɗii Kayhayɗi to galle sukaaɓe. Yuɓɓini hiirde ndee ko dental duɗe janngooɓe Pulaar e ballondiral Catal  Fedde Ɓamtaare Pulaar e Muritani Kayhayɗi. Ardii dental duɗe ɗee ko musiɗɗo jannginoowo coftuɗo ngenndiyanke hono Aamadu Abuu Soh. Tawtoraama hiirde ndee yoga e terɗe Catal ngal, jannginooɓe pulaar, almuɓɓe janngooɓe e duɗe hee e hoohooɓe tedduɓe. Gure ɗiɗi ndokkii hiirde ndee faayiida mawɗo : Jowol e gardagol Ɗalhata Siidi Wele lollirɗo Ceerno mbeewa wonndude e Ceerno Demmba Kulibali, Beelinaaɓe Duɗal Baaba Leñol e gardagol Ñaŋ Muhammadu Umaar e sokna Maryam Mammadu Aan Lollirɗo Mayram Daddaa. Jowol e Beelinaaɓe limtetee ko e gure ɓurɗe daranaade pulaar. Ceerno Abuu Siraaji Soh gardiiɗo Hadaaiqa Ɓuraana, gollidiiɗo Catal ngal, tawtoraama kam e jaalal mawngal wuro Kayhayɗi, hono Seek Tahara Baraaji lollirɗo Kono Baraaji.

Hiirde ndee udditiraa ko Konngol Ɓuraana e daande Ceerno Aamadu Umaar Soh, caggal ɗum tawtoraaɓe hiirde ndee ngummii ndarii ngam heɗtaade gaacol leydi (hymne national). Caggal ɗum ko dokkirgol seedanteeje : 28 ceerno keɓii gooto fof seedantaagal  jannginoowo pulaar. Jalluɗi ceeɓndam waɗaama hakkunde sehnooji nayi, naamnde baɗɗe faayiida jowitiiɗe e jaŋde pulaar, hiisa, diine, cariiɗe. Sehngo nawii raay heɓii njeenaari karne e kuɗi. Jime pulaar e konnguɗi belɗi mbelnii hiirde ndee. Kala ƴeftunooɗo konngol jaarii Hooreejo Teddungal Catal Kayhayɗi hono mawɗo Sammba Gata Bah e darnde mum, sibu o feƴƴii, o ferii laawol. Yo Alla jokku balɗe makko, moƴƴina battane makko, yo Alla hebbin hono makko en. Aamiin.

Hiirde ndee waɗii faayiida no feewi, yimɓe nootitiima e keewal.

Ceerno Umaar Aamadu uddirii hiirde ndee duwaawu.

Doggol hokkaaɓe seedanteeje

  1. Abdullay Aadama Bah
  2. Aamadu Abuu Soh
  3. Aamadu Abuu Bah
  4. Umaar Mammadu Soh
  5. Ibrahiima Punayel Aan
  6. Sileymaani Sammba Caam
  7. Demmba Sammba Caaml
  8. Aamadu Mammadu Keneme
  9. Aamadu Demmba Soh
  10. Aliw Yero Bah
  11. Aali Aadama Bah
  12. Mammadu Umaar Ñaŋ
  13. Huley Ibraahiima Ñaŋ
  14. Habii Hammadi Sih
  15. Habii Faalil Sih
  16. Jeynaba Faalil Sih
  17. Guuro Raasin Aan
  18. Jeynaba Sammba Sih
  19. Hawaa Tahe Sih
  20. Aysata Demmba Soh
  21. Madiina Aamadu Njaay
  22. Aysata Mammadu Deh
  23. Urdi Mammadu Ñaŋ
  24. Maryam Ceerno Jah
  25. Maryam Aamadu Sih
  26. Ɗalhata Siidi Wele
  27. Maamuudu Aamadu Tuure
  28. Aysata Aamadu Soh

 

E kuɗol Usmaan Ñaan, hooreejo catal FƁPM Kayhayɗi

Woppu jaabawol

Winndu yowre maa
Winndu ɗoo innde maa

Ce site utilise Akismet pour réduire les indésirables. En savoir plus sur comment les données de vos commentaires sont utilisées.